Túrkistan jastaryna 1 mlrd teńgeden astam grant berildi

TÚRKІSTAN. QazAqparat – Túrkistan oblysynda bıyl jastardy qoldaý maqsatynda 1 mlrd teńgeden astam grant bólingen. Bul týraly QazAqparat ákimdikke silteme jasap habarlaıdy.

Elbasymyz N.Á. Nazarbaev 2018 jylǵy 5 qazandaǵy Joldaýynda 2019 jyl - Jastar jyly dep jarııalaǵany belgili. Osy oraıda, bıylǵy jyly Túrkistan oblysynda jastar jylyn qoldaý maqsatynda aýqymdy jumystar atqarylyp, oblysta memlekettik jastar saıasatyn júzege asyrýdyń arnaıy tujyrymdamasy ázirlendi. Nátıjesinde oblys kóleminde 251 joba men shara zerdelenip, Túrkistan oblysynyń 4 ıdeologııalyq baǵytyna sáıkes 11 jańa iri joba júzege asty.

Atap aıtqanda, nátıjeli jumyspen qamtýdy jáne jappaı kásipkerlikti damytýdyń 2017-2020 jyldarǵa arnalǵan baǵdarlamasynyń II baǵyty «Jappaı kásipkerlikti damytý» aıasynda 505 000 teńgelik grantty – 2093 jas ıelendi. Onyń jalpy kólemi 1 mlrd tengeden asty.

Budan bólek, oblysta kásipkerlikti damytý boıynsha baǵdarlamalardy nasıhattaý, shalǵaı aýyldardaǵy jastarǵa memlekettik áleýmettik kómek sharalaryn túsindirý, grant, nesıe alý joldarymen tanystyrý úshin aýdandarda oblystyq mobıldi top quryldy. Nátıjesinde 8 600-den astam jasqa mobıldi qyzmet túrleri kórsetildi.

«Jasyl el» jobasy boıynsha 2019 jyldyń sáýir aıynan bastap búgingi kúnge deıin 1275 jas jumyspen qamtyldy. Olardyń jalaqylary 75 myń teńgeni qurady. Sonymen qatar, «Dıplommen aýylǵa» jobasy aıasynda 2019 jyly 1695 jas maman jumysqa ornalasty. Bul kórsetkish 2018 jyly 913 mamandy quraǵan. Oblys basshylyǵynyń qoldaýymen 356 jas maman baspanaly boldy. Jyl qorytyndysymen oblystyq máslıhatpen birlese «Dıplommen aýylǵa» forýmy ótkizilip, belsendi jastar marapattaldy. Nasıhattaý jumystarynyń júıeli júrýiniń arqasynda túrli rolıkter men chellenjder túsirilip, «Jastar praktıkasy» baǵdarlamasyna qatysýshylar sany artyp, 6 635 jas 6 aılyq jumyspen qamtyldy. Elbasy,

Tuńǵysh Prezıdent N.Á.Nazarbaevtyń tapsyrmasyna sáıkes, Túrkistan qalasyndaǵy qurylys nysandaryna stýdent jastar tartyldy. Osy oraıda, Túrkistan qalasyndaǵy 10 qurylys kompanııasymen kelisim-shart jasalyp, nátıjesinde Q.A.ıAsaýı atyndaǵy HQTÝ, M.Áýezov atyndaǵy OQMÝ, Ońtústik Qazaqstan memlekettik pedagogıkalyq ýnıversıtetiniń 1000-ǵa jýyq stýdentteri 2 aı boıy qalamyzdyń qurylysyna qatysyp, gúldenýine úles qosty. Sondaı-aq, oblys ákimdigi tarapynan jazǵy maýsymda jastardyń bos ýaqytyn tıimdi uıymdastyrýǵa baǵyttalǵan «TURKISTAN – JASTAR QALASY» jobasy uıymdastyrylyp, respýblıka boıynsha eń aýqymdy, sátti joba degen baǵa berildi. Sharaǵa 30 myńnan astam jastar qatysty. Budan bólek, Túrkistan qalasynda ulttyq oıyndar, strıt bol, strıt ýork aýt, strıt denske arnalǵan 4 jańa jastar alańshalary salyndy. Túrkistan qalasyndaǵy týrızm, ınfraqurylymdy damytý baǵytynda «Yrys» mıkroqarjy uıymymen birlesip, jas kásipkerlerdiń bıznes jobalaryn qoldaý baǵytynda «Jas kásipker» baǵdarlamasy júzege asty. Nátıjesinde jastardan nesıe alýǵa – 50 joba usynylyp, 35 joba 1 paıyzdyq nesıemen qarjylandyryldy.

Onyń jalpy kólemi 70 mln tenge qurady. Búgingi kúni oblys ortalyǵyndaǵy týrızm, restoran isi, ınfraqurylymdy damytý baǵytynda jas kásipkerlerdiń «Ernur» hostel, «Reıs» stýdııasy, «Sıtı» ferma, «YassCoffe, Yass Burger» jobalary sátti júzege asýda. Atap óteıik, Túrkistan oblystyq qoǵamdyq damý basqarmasy jastar jylyn qorytyndylaý maqsatynda «Túrkistan qalasyn Túrki áleminiń rýhanı-mádenı ortalyǵyna aınaldyrýdaǵy jastardyń róli» atty «Taýn Holl» formatynda sharasyn ótkizip, joǵaryda atalǵan jumystardyń nátıjesi boıynsha prezentatsııa uıymdastyrdy.