Túrkistan jáne Jambyl oblystarynda jel kúsheıip, qalyń qar jaýady
ASTANA. QazAqparat - Túrkistan jáne Jambyl oblystarynda aýa raıyna qatysty eskertý jarııalandy, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, eki oblysta aýa raıy kúrt qubylady.
20 jeltoqsanda Túrkistan oblysynyń keı jerlerinde tuman túsip, kóktaıǵaq bolady, burqasyn soǵady, soltústik-shyǵystan soǵatyn jeldiń jyldamdyǵy 15-20 m/s deıin kúsheıedi.
20 jeltoqsanda túnde jáne tańerteń Jambyl oblysynyń taýly aýdandarynda qalyń qar jaýady, tuman túsip, kóktaıǵaq bolady, jaıaý burqasyn soǵýy yqtımal.
Taraz qalasynda aldaǵy saǵattarda, 20 jeltoqsanda túnde jáne tańerteń qalyń qar jaýady, tuman túsedi jáne kóktaıǵaq kútiledi.
