Túrkistan, Jambyl jáne Almaty oblystaryndaǵy ózenderde sý deńgeıi kóteriledi
NUR-SULTAN. QazAqparat - Birneshe óńirde nóser jańbyr jaýatyn bolǵandyqtan taýly jerdegi ózenderde sý deńgeıi kóteriledi, dep habarlaıdy QazAqparat Qazgıdrometke silteme jasap.
18-20 mamyrda boljamǵa sáıkes, kóp mólsherde jaýyn-shashyn túsedi dep kútiletindikten Túrkistan oblysyndaǵy taý betkeılerinde aǵyn qalyptasady jáne ózenderdegi sý deńgeıi kóterilýi yqtımal.
19-20 mamyrda keı jerlerde qatty jańbyr jaýady dep boljanǵandyqtan, Jambyl jáne Almaty oblystarynda jáne Almaty qalasynyń irgeles aýmaqtarynda betkeılerden aǵatyn sý kóbeıip, ózenderdiń deńgeıi kóterilýi múmkin.
