Túrkistan: Zeınetker kóligimen úsh stýdentti qaǵyp ketti
TÚRKІSTAN. QazAqparat - Túrkistandyq zeınetker tizgindegen kólik jaıaý júrginshi jolaǵymen kele jatqan úsh stýdentti qaǵyp ketti. Oqıǵa qaladaǵy Qazaq-Túrik ýnıversıteti aýmaǵynda boldy, dep habarlaıdy QazAqparat tilshisi.
Jol boıyndaǵy baqylaý kamerasyna túsken vıdeo ınstagram jelisinde tarap ketti. Onda kóliktiń qatty jyldamdyqpen kelip, joldan ótip bara jatqan úsh adamdy qaǵyp ketkenin kórýge bolady.
Oblystyq Polıtsııa departamenti baspasóz qyzmetiniń málimetinshe, jol kólik oqıǵasy 3 qarashada keshke qaraı. «Neksııa» kóligin tizgindegen 64 jastaǵy júrgizýshi jol erejesin óreskel buzyp, úsh stýdentti jaraqattaǵan. «Jábirlenýshiler ártúrli dene jaraqattarymen aýrýhanaǵa jetkizildi. Qazirgi tańda jaǵdaılary qanaǵattanarlyq. Túrkistan oblystyq PD anyqtaýshylary kólik júrgizýshisine qatysty QR QK-niń 345 «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha sotqa deıingi tergeý amaldaryn júrgizýde. Qajetti saraptamalar taǵaıyndaldy», delingen habarlamada.
