Túrkistan turǵynynan travmatıkalyq qarý men esirtki tárkilendi

TÚRKІSTAN. QazAqparat- Túrkistan turǵynynan travmatıkalyq qarý men esirtki tárkilendi, dep habarlaıdy QazAqparat tilshisi.

Túrkistandyq tártip saqshylap túngi saǵat 01:30 shamasynda B. Maılın kóshesinde kúdikke ilingen «MATIZ» markaly kólikti toqtatqan.

Tekserý kezinde, kóliktegi jolaýshynyń birinen tapansha men 4 dana oq, 1 dana kúkirt qorapshasyna salynǵan «marıhýana» esirtkisine uqsas zatty taýyp, tárkiledi.

«Oqıǵa ornyna jedel-tergeý toby shaqyrtylyp, atalǵan jaıt QR QK-niń 287-baby «Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý» boıynsha tirkeldi. Saraptama taǵaıyndaldy. Búgingi tańda kúdikti jolaýshyǵa qatysty sotqa deıingi tergeý amaldary júrgizilýde»-delingen Túrkistan oblysy polıtsııa departamentiniń baspasóz qyzmeti taratqan habarlamada.