Túrkistan turǵyny egindigine adasyp kelgen 18 jylqynyń ıesin taýyp, qaıtardy
ShYMKENT. QazAqparat - Túrkistan qalasyna qarasty eldi mekenderdiń birinde turatyn sharýanyń egindigine 18 jylqy adasyp kelgen. Aýyl turǵyny kóp oılanbastan bul jaıtty tez arada qalalyq ishki ister basqarmasyna jetkizgen, dep habarlaıdy QazAqparat HAA tilshisi.
Tártip saqshylary maldardyń ıesin tabý úshin jan-jaqqa habar jiberedi. Tórt túligin joǵaltqan azamattardy aýyldardan, kórshi aýdandardan izdestirgen. Araǵa eki apta salyp maldyń ıesi tabyldy. Ol Kentaý qalasynyń turǵyny ekeni anyqtaldy. Belgili bolǵandaı, mal ıesi jylqylaryn joǵaltqany jóninde polıtsııaǵa habar bermepti. Ózi taýyp alamyn dep oılaǵan. Degenmen polıtseıler onyń rasynda da mal ıesi ekenin anyqtap bolǵan soń ǵana jylqylardy qaıtarǵan.
Túrkistandyq tártip saqshylary jergilikti turǵyndardyń maldaryna tıisti dárejede qaramaıtynyn, sonyń saldarynan joǵaltyp, urlatyp jatatynyn aıtady. Máselen, jýyrda ǵana «malym joǵaldy» degen taǵy bir azamattyń sıyry jaıylymnan 1,5 shaqyrym qashyqtyqtaǵy egindikten tabylǵan.
