Túrkistan turǵyny blokposta turǵan polıtseılerge qarsylyq kórsetken
TÚRKІSTAN. QazAqparat – Túrkistan turǵyny blokposta turǵan polıtseılerge qarsylyq kórsetken. Ol ózin kólikten shyǵýdy talap etken tártip saqshylaryna baǵynbastan, dóreki minez tanytqany anyqtaldy, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, keleńsiz jaǵdaı Túrkistan qalasynda ornalasqan blokposta oryn alǵan. Patrýldik polıtsııa ınspektorlary beketten ótip jatqan árbir kólikti toqtatyp, júrgizýshilerdiń qujatyn teksergen.
Alaıda «Leksýs» markaly avtokóliginiń júrgizýshisi polıtseıge qarsy túrli jaman sózder aıtyp, balaǵattaǵan. Osylaısha tártip buzýshynyń is-áreketi QR QK 378-babynyń 1-bóliginde kórsetilgen «Bılik ókilin qorlaý» boıynsha tirkelip, qazirgi tańda sotqa deıingi tergeý amaldary júrgizilýde.
