Túrkistan: Túlkibasta emdik týrızm nysandary ashylady
TÚRKІSTAN. QazAqparat - 2018 jyly Túrkistan oblysynyń Túlkibas aýdanyna 16 myń 658 týrıst kelgen, onyń 813-i - shetel azamattary. Bul týraly óńir ákimdiginiń baspasóz qyzmetinen málim etti, dep habarlaıdy QazAqparat.
Túlkibas aýdanynda jalpy 32 nysan 340,6 mln teńgege sapaly qyzmet kórsetken, kórikti jerlerdiń tizimi jasalyp, kelgen qonaqtar úshin týrıstik marshrýttar quryldy.
Qazirgi tańda «Batys Eýropa - Batys Qytaı» jol boıynda 3 iri jobanyń qurylysy júrýde. Sonyń biri - «Qurylys» JShS jol boıy qyzmet kórsetý ortalyǵy. Jobanyń jalpy quny - 346 mln teńge, syıymdylyǵy 100 oryn, jańadan 25 jumys orny ashylady. Búginde qurylys jumystary 95 paıyzǵa aıaqtalǵan.
Sonymen qatar, «Shuqyrbulaq» jol boıy qyzmet kórsetý ortalyǵynyń da qurylys jumystary 95 paıyzǵa aıaqtalǵan. Jobanyń jalpy quny - 150 mln teńge. Syıymdylyǵy - 50 oryn. Jańadan 12 jumys orny ashylady. Qurylys jumystary 95 paıyzǵa aıaqtalyp otyr. («Bıznestiń jol kartasy - 2020» boıynsha 25 mln teńge kóleminde gaz qubyryn júrgizý jumystaryna qujattar ázirlenýde). «Shaqpaq» jol boıy qyzmet kórsetý ortalyǵyn qaıta qurylymdaý jobasynyń jalpy quny 76 mln teńge bolsa, syıymdylyǵy 30 oryn, jańadan 10 jumys orny ashylady.
Tabıǵı emdik týrızmdi damytý maqsatynda jumys isteıtin «Jaılaý» emdeý-saýyqtyrý ortalyǵy jobasynyń jalpy quny 347 mln teńgeni qurap otyr. Syıymdylyǵy 100 oryn bolatyn ortalyqta jańadan 50 jumys orny ashylmaq. Ortalyq 2019 jyly iske qosylady, 2 myń týrısti qabyldaýǵa qaýharly.
Saýmalmen emdeý ortalyǵy («Nurlyhan» ShQ) jobanyń jalpy quny 340 mln teńge, syıymdylyǵy 50 oryn. Jańadan 10 jumys orny ashylady dep kútilýde. Bul joba 2019 jyly iske qosylyp, 1500 týrıst qamtylmaq. Oblystyq bıýdjetten ınfraqurylym jumystaryna 103 mln tenge qarjy qarastyrylǵan. Qazirgi tańda 55 mln teńgesi bólindi. Sonymen qosa, syıymdylyǵy 70 oryndyq «Etno Park» qurý jobasy bar. Jalpy quny - 417 mln teńge. Jańadan 30 adamǵa jumys ornyn ashý josparlanyp otyr.
