Túrkistan: Túlkibasta 62 shaqyrymnan astam jol jóndeledi
TÚLKІBAS. QazAqparat - Túrkistan oblysy Túlkibas aýdanynyń ákimi N.Turashbekov eldi mekenderde ortasha jóndeýden ótken kóshelerdi aralap, sapasyn tekserdi. Bul týraly aýdan ákimdiginen málim etti, dep habarlaıdy QazAqparat.
«Atap aıtsaq, olar - aýdan ortalyǵyndaǵy 1,1 shaqyrymdy quraıtyn Jemisti kóshesi, Túlkibas kentindegi 2,7 shaqyrymdy quraıtyn Shevtsov kóshesi jáne Maıtóbe aýylyndaǵy jalpy uzyndyǵy 2,2 shaqyrymdy quraıtyn Rysqulov pen Momyshuly kósheleri. Bıylǵy jyly aýdan boıynsha jalpy uzyndyǵy 62,3 shaqyrym 41 jolǵa kúrdeli jáne ortasha jóndeý jumystaryn júrgizý josparlanǵan. Onyń ishinde, 15,2 shaqyrym 5 jolǵa kúrdeli jóndeý jumystary, 47,1 shaqyrym 36 jolǵa ortasha jóndeý jumystary júrgizilýde», - dedi aýdan ákimdiginen.
Búgingi tańda atalmysh joldardyń 27 shaqyrymy jóndeýden ótip, paıdalanýǵa berilgen. Jalpy jóndeý jumystary bıylǵy jyldyń tamyz-qyrkúıek aılarynda aıaqtalyp, joldar paıdalanýǵa berilmek.
«Osy jumystar atqarylǵannan soń aýdandyq mańyzy bar joldardyń 84,2 paıyzy, eldi meken kósheleriniń 85,1 paıyzy jaqsy jáne qanaǵattanarlyq jaǵdaıǵa keltiriledi. Sondaı-aq aýyldardyń ishki kósheleriniń boıynan jaıaý júrginshilerge arnalǵan trotýarlar kóptep salynýda», - dep atap ótti jergilikti atqarýshy organnan.
