Túrkistan: Túlkibas kentinde «Rámizder alańy» ashyldy

TÚLKІBAS. QazAqparat – Túrkistan oblysynyń Tulkibas aýdanynda Qazaqstan Respýblıkasynyń Konstıtýtsııa kúnine oraı «Rámizder alańy» ashyldy. Jańadan el ıgiligine berilgen alań Túlkibas kentinde oryn tepti, dep habarlaıdy QazAqparat tilshisi.

Nysannyń ashylý saltanatynda aýdan ákimi Nurbol Turashbekov turǵyndardy Qazaqstan Respýblıkasy Konstıtýtsııasynyń 24 jyldyq merekesimen quttyqtady. Merekelik sharada aýdandyq qoǵamdyq keńes tóraǵasy Ó.Matkerımov jáne aýdandyq ardagerler keńesiniń tóraǵasy S.Qasymbekter de merekelik lebizderin bildirdi. Sondaı-aq, aýdandyq mádenıet úıiniń ónerpazdary tarapynan da qalyń jurtshylyqqa kontserttik baǵdarlama usynyldy.

Aıta keteıik, kent ortalyǵynda ornalasqan nysan aýmaǵynda Memlekettik rámizder alańymen qatar, jergilikti turǵyndardyń serýendep, taza aýada demalýyna arnalǵan oryndar jasalǵan. Al, toǵyz joldyń toraby bolǵan «Túrkisib» temirjolynyń boıynda ornalasqan «Rámizder alańynyń» ashylýy halyqqa úlken qýanysh syılady. Sebebi, aldaǵy ýaqytta bul jerdiń aınalasy tolyǵymen abattandyrylyp, kent turǵyndary úshin balalar oıyn alańshasy men taza aýada serýendeýge arnalǵan alleıa boı kótermek.