«Túrkistan tórinde» syrlasý-suhbat keshi ótip jatyr
TÚRKІSTAN. QazAqparat - Túrkistan qalasynda Qoja Ahmet ıAsaýı atyndaǵy halyqaralyq qazaq-túrik ýnıversıtetinde «Túrkistan tórinde» syrlasý-suhbat keshi óttýde. «Rýhanı jańǵyrý» baǵdarlamasy aıasynda uıymdastyrylǵan kezdesýge Qazaqstannyń jáne túrki áleminiń kórnekti aqyn-jazýshylary men qoǵam qaıratkerleri, aıtar oıy bar zııaly qaýym ókilderi jáne jastar qatysyp, ózara pikir almasty, dep habarlaıdy QazAqparat tilshisi.
Qoǵamnyń damýy men Túrkistan óńiriniń gúldenýin, onyń damý baǵyttary týraly oı qozǵaıtyn «Túrkistan tórinde» jobasynyń alǵashqy qonaqtary retinde Memlekettik syılyqtyń laýreattary, kórnekti qalamgerler Tólen Ábdik pen Nurlan Orazalın, sondaı-aq tanymal jazýshy, kınodramatýrg Smaǵul Elýbaı shaqyrylyp, Túrkistan jurtshylyǵymen júzdesti.
Kezdesýdi Túrkistan oblysynyń ákimi Ómirzaq Shókeev ashyp berip, jobanyń maqsatyna toqtaldy. Tereń mándi júzdesýler ótkizý arqyly jańa oblystyń rýhanı, mádenı, zııatkerlik deńgeıin kóterip, birlik pen yntymaqty, turaqtylyqty jan-jaqty nyǵaıtýǵa úles qosý kózdelgenin atap ótti. Ákim elimizge tanymal tulǵalardyń salmaqty sózderi men ónegeli oılary arqyly jastarǵa, turǵyndarǵa oı salý, rýhanı-mádenı áleýetin kóterý de basty nazarda turǵanyn aıtty.
Aıta keteıik, atalǵan kezdesý áleýmettik jelilerde tikeleı efır arqyly kórsetilýde.
