«Turkistan» telearnasy qazaq, túrik jáne orys tilderinde habar taratady - Aıda Balaeva
«Búgin «Turkistan» jańa telearnasy óz jumysyn bastady. Ózderińiz biletindeı, Elbasynyń tapsyrmasymen Túrkistanda jańa zamanaýı medıa ortalyq boı kóterdi, oǵan elimizdiń talantty mamandary jumys jasaýǵa shaqyryldy. «Turkistan» telearnasy kórermenderdi qazaq, túrik jáne orys tilderinde baýyrlas túrki halyqtarynyń tarıhymen, mádenıetimen jáne qazirgi ómirimen tanystyrady dep josparlanýda.
Telearna aımaqtaǵy mádenıettiń damýyna, oblystyń jetistikterin tek Qazaqstanda ǵana emes, sonymen qatar shetelderde tanymal etýge oń áser etedi», - dedi Aıda Balaeva.
Mınıstrdiń aıtýynsha, munyń bári Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń 2018 jyly Túrkistan qalasyn oblys ortalyǵy retinde bekitý týraly tarıhı sheshiminiń arqasynda múmkin bolyp otyr.
«Osy sátten bastap qazaq halqynyń jáne túrki áleminiń rýhanı besigi bolyp tabylatyn qala jańa tarıhtyń sanaýyn bastady.
«Turkistan» telearnasy kórermenderin mazmundy jáne qyzyqty televızııalyq jobalarmen qýanta otyryp, aımaqtyń jańa shejiresin zamanaýı jáne jedel aqparatpen júrgizetinine senimdimin», - dedi ol.
Eske sala ketsek, Áz-Naýryz meıramy qarsańynda búgin tańǵy 7-den bastap «Turkistan» telearnasy «Otaý TV» ulttyq spýtnıktik jelisi jáne kabeldik jeliler arqyly qalyń kórermenge jol tartty.
