Túrkistan: Sozaq aýdanynda qar qursaýynda qalǵan jolaýshylarǵa kómek kórsetildi
NUR-SULTAN. QazAqparat – Sozaq aýdanynda qar qursaýynda qalǵan 50 jolaýshyǵa kómek kórsetildi, dep habarlaıdy Túrkistan oblysy ákimdiginiń baspasóz qyzmeti.
«Búgin 16:00-de aýa raıynyń kúrt ózgerýine baılanysty jabylǵan KH-2 «Ulanbel-Sozaq-Ekpindi» tasjolynda «Shaıan–Sholaqqorǵan» arasynda Taskómirsaı aýylynan shamamen 15 km qashyqtyqta qar qursaýynda qalǵan «Shymkent–Stepnoı baǵytyndaǵy avtobýs ishindegi jolaýshylarǵa jáne basqa da avtokólikterdegi adamdarǵa kómek kórsetildi» delingen habarlamada.
Oqıǵa ornyna Túrkistan oblysy Tótenshe jaǵdaılar departamentinen 6 qyzmetker, 2 dana tehnıka bardy.
Tótenshe jaǵdaılar departamenti mamandarynyń málimdeýinshe, 1 avtobýs jáne 5 jeńil avtokóligindegi 50 jolaýshy onyń ishinde 3 bala bolǵan. Qazirgi tańda qar qursaýynda qalǵan jolaýshylarǵa kómek kórsetilip, Sholaqqorǵan aýylyna jetkizildi. Qaza taýyp, jaraqat alǵandar joq.
