Túrkistan polıtsııasy 3 kún buryn joǵalǵan jasóspirimdi izdestirýge kómek surady
JETІSAI. QazAqparat – Túrkistan oblysynda jasóspirim qyz 3 kúnnen beri izdestirilýde. Óńirdiń Polıtsııa departamenti izdestirý jumystaryna kómek kórsetýdi surady, dep habarlaıdy QazAqparat.
4 maýsym kúni Jetisaı aýdanynyń jergilikti turǵyny Jetisaı aýdandyq polıtsııa bólimine júgingen. Ol 14 jastaǵy qyzy 4 maýsym kúni túski ýaqytta úıinen belgisiz baǵytqa shyǵyp ketip, qaıta oralmaǵanyn aıtqan. Atalǵan jaıt Jetisaı APB-de birden tirkeýge alynǵan.
Qazirgi tańda jergilikti polıtsııa qyzmetiniń ýchaskelik polıtsııa ınspektorlary jasóspirim qyzdy izdestirý jumystaryn júrgizýde.
Sonymen qatar Jetisaı aýdany ákimshiliginiń qyzmetkerlerimen birge mobıldi top qurylyp, izdestirý jumystary jan-jaqty iske asyrylýda.
«Osy tusta barlyq turǵyndar men qonaqtardan joǵalǵan qyzdy tabýǵa kómektesýlerin suraımyz», - dedi Polıtsııa departamentinen.
Belgileri: ústinde aq tústi fýtbolka, qara djınsy shalbar jáne aıaǵynda qara tústi aıaq kıimi bolǵan. Ózimen birge qara tústi «Samsýng Dj-2» markaly uıaly telefony bar.
Qandaı da bir málimetke ıe azamattar Jetisaı APB-nyń kezekshilik nómirine: 8 7253467020 nemese polıtsııanyń 102 telefon nómirine habarlasa alady.
