Túrkistan polıtseıleri joǵalǵan jylqy úıirin bir kúnde tapty
MAQTAARAL. QazAqparat – Túrkistan oblysy, Maqtaaral aýdanynda birden 17 jylqy joǵalyp ketken. Bir úıir jylqysynan kóz jazyp qalǵan mal ıesine shamamen 6, 5 mıllıon teńge shyǵyn keltirildi, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, tórt túliktiń ıesi kómek surap polıtsııaǵa aryzdanǵan. Joǵalǵan jylqylardy tabý úshin tájirıbeli tártip saqshylarynan birneshe mobıldik top qurylyp, olar aýyldyń shyǵar jerlerin teksergen. Aýyl-aımaqtyń barlyq jaıylymdyq jerlerine tintý júrgizip, kórgen-bilgen turǵyndardan suraq-jaýaptar alady. Sonymen qatar mal bazarlar men mal tasymaldaıtyn kólikterdi tyńǵylyqty qarap, aqyry alys jaıylymdyq jerden jylqy úıirin tapqani.
Osylaısha, joǵalǵan 17 bas jylqysyn qaıtaryp bergen aýyl turǵyny polıtseılerge sheksiz rızashylyǵyn bildirdi.
