Túrkistan polıtseıleri 9 jasar qyzdy anasymen qaýyshtyrdy
TÚRKІSTAN. QazAqparat - Túrkistan oblysynyń polıtseıleri 9 jasar qyzdy anasymen qaýyshtyrdy, dep habarlaıdy QazAqparat.
Túrkistan qalasy PB jergilikti polıtsııa qyzmeti ýchaskelik polıtsııa ınspektorlary turǵyndardyń tynyshtyǵyn qamtamasyz etý maqsatynda kúndelikti reıdtik jumystardy júrgizip otyrady.
Osyndaı kezekti bir jumys kúni ózderine bólingen aýmaqta jumys atqarý barysynda kúndizgi saǵat 16:40 shamasynda Túrkistan qalasy Táýke han dańǵylynyń boıynda ornalasqan saýda ortalyǵynyń aldynda jasóspirim qyzdyń jylap turǵanyn kóredi.
Túrkistan qalasy polıtsııa basqarmasynyń JPQB ÝPI polıtsııa kapıtandary Oljas Ersultanov pen Maqsat Tursynbekuly oryn alǵan jaıtty odan ári anyqtaý maqsatynda qyzdyń aty-jónin, jas shamasyn suraıdy.
Jasóspirim qyzdyń 9 jasta ekenin jáne adasyp qalǵanyn bilip, birden anasyn izdeýge kirisedi.
Osylaısha arada nebary 20 mınýt óter-ótpes anasyn taýyp, qyzymen qaýyshtyrady.
Belgili bolǵandaı anasy óziniń sharýalarymen bazarda júrgen.
Al úıde otyrǵan úlken qyzyna 9 jasar qyzyn bazarǵa salyp jiberýin tapsyryp, óziniń kútip alatynyn aıtqan.
Sodan soń qala aýmaǵyn tolyq bilmeıtin jasóspirim qyzdy ápkesi taksıge otyrǵyzyp, bazar aıaldamasynan túsip qalý kerektigin túsindirgen.
Alaıda qyz taksıden aıaldamaǵa jetpesten túsip qalyp, anasynan adasyp qalǵan.
Túrkistan oblysynyń polıtseıleri ata-analarǵa qyraǵy bolýdy jáne balalaryn qaraýsyz qaldyrmaý qajettigin eskertedi.
