Túrkistan: Otyrar aýdanynda dezınsektsııalyq jumystar jalǵasyp jatyr
Dızınfektsııalaý jumystaryna «SATTI TULIK» JShS-nyń 12 arnaıy mamany men 5 tehnıkalyq kóligi, sonymen qatar 18 arnaıy maman, 7 tehnıkalyq kólik, 2 sý qaıyǵy jumyldyrylǵan.
Aýdan turǵyndary men qonaqtarynyń jaıly demalýy úshin adam kóp jınalatyn oryndarǵa – saıabaqtarǵa, jaǵalaýlarǵa, gúlzarlarǵa jáne t. b. erekshe kóńil bólingen. Búginde sý qorǵaý aımaqtaryn, ıaǵnı jaǵalaýdaǵy aǵashtardyń butalary men eldimeken, demalys aýmaqtarda hımııalyq ınsektıtsıdter óńdeý ádisin qoldaný arqyly tıisti dárileý jumystary atqarylyp jatyr. Budan bólek, Syrdarııa ózenin jaǵalaı ornalasqan Baltakól, Maıaqum, Kóksaraı, Aqqum aýyl okrýgterine qarasty eldimekender men Sháýildir aýyl okrýgindegi Arys ózeniniń jaǵalaýlarynda zalalsyzdandyrý jumystary atqaryldy.
Bul dezınsektsııalyq is-sharalar jándikterdiń sanyn azaıtýǵa baǵyttalǵan. Mamandardyń aıtýynsha, atalǵan sharalar olardyń sanyn 90 paıyzǵa deıin joıýǵa jáne azaıtýǵa múmkindik beredi. Bul oraıda, dezınsektsııalyq is-sharalardy júrgizý kezinde saqtyq sharalaryn ustaný asa mańyzdy.
