Túrkistan óńirinde «Qaltadaǵy HQO» aktsııasy ótkizildi
NUR-SULTAN. QazAqparat - «Azammattarǵa arnalǵan úkimet» memlekettik korporatsııasy» KE AQ Túrkistan oblysy boıynsha fılıal qyzmetkerleri «Qaltadaǵy HQO» atty aktsııasyn ótkizdi.
Túrkistan oblysy Keles aýdanyndaǵy «Aýes» saýda úıi jáne bir qatar adam kóp shoǵyrlanatyn oryndarda oryn alǵan aktsııa barysynda korporatsııa qyzmetkerleri turǵyndardy, azannan keshke deıin bala shaǵasyn asyraý úshin saýda jasap nápaqasyn taýyp otyrǵan satýshylarǵa, portaldaǵy tólem túrlerin, Telegramm júıesindegi EgovKzBot baǵyty boıynsha jáne Mgov qosymshalary arqyly, bir rettik jasyryn sózder, elektrondy tsıfrly qoltańbalar arqyly qyzmet túrlerin alýdy úıretip, aqparattyq broshıýralar taratty.
«Qazirgi tańda Respýblıkamyzda 742 memlekettik qyzmet túri bar bolsa, sonyń 531 elektrondy úkimet portaly arqyly ótedi. Osy sebepti halyqtyń tsıfrlyq saýattylyǵyn arttyrý maqsatynda korporatsııa tarapynan osyndaı aktsııa, oqytý semınarlaryn kóptep ótkizýdemiz. Sonyń arqasynda óńirimizde elektrondy túrde qyzmet alýshylar sany artty. Bizdi qýantatyny aktsııaǵa qyzyǵa qatysýshylar sany 200-300ge jýyqtasa, solardyń 50-60% qyzmetterdi ózderi elektrondy túrde paıdalanýshylar qatarynan boldy. Aldaǵy ýaqytta bul is-shara oblysymyzdyń basqa da aýdandaryn qamtıtyn bolady»,- dedi «Azamattarǵa arnalǵan úkimet» memlekettik korporatsııasy» Túrkistan oblysy fılıalynyń baspasóz tilshisi Amantaı Egemberdıev.
Aıta keteıik, jyl basynan beri mobıldi azamattar bazasynda 376242-nan astam túrkistandyq tirkelgen.
