Túrkistan oblysynyń Jetisaı aýdanyna 11 jasandy tynys alý apparaty jetkizildi
JETІSAI. QazAqparat - Túrkistan oblysy, Jetisaı aýdandyq aýrýhanasy 11 dana jasandy tynys alý apparatymen tolyqty, dep habarlaıdy QazAqparat tilshisi.
Óńirlik kommýnıkatsııalar qyzmetinen málim etkendeı, Jetisaı aýdanynda «Nur Otan» partııasynyń «Ómir» jáne «Shıpa» jobalary kezekti ret júzege asyryldy.
«Medıtsınalyq qurylǵy «Nur Otan» partııasy fraktsııasynyń múshesi, oblystyq máslıhat depýtaty Nuraly Ábishovtiń qarjysyna satyp alyndy. Apparattardy saltanatty túrde tabystaý rásiminde Jetisaı aýdanynyń basshylyǵy men ortalyq aýrýhananyń bas dárigeri N.Joldasbekov aýdan halqynyń atynan Nuraly Álmahanulyna alǵys bildirdi.
Aýdandyq aýrýhanaǵa pandemııa beleń alǵan ýaqytta demeýshiler esebinen ókpeni jasandy jeldetýge arnalǵan 12 apparat jetkizilgen bolatyn. Negizinen aýrýhana 310 oryndy. Jalpy 8 myńǵa jýyq halqy bar Jetisaı aýdany úshin 1194 medıtsına mamany qyzmet kórsetýde», - delingen aqparatta.
