Túrkistan oblysynyń jańa gerbine baıqaý jarııalandy
TÚRKІSTAN. QazAqparat - Túrkistan oblysynyń sáýlet jáne qala qurylysy basqarmasynyń uıymdastyrýymen óńirdiń jańa gerbiniń úzdik eskızdik jobasyna baıqaý jarııalandy, dep habarlaıdy óńir basshysynyń baspasóz qyzmeti.
Túrkistan oblysynyń gerbine úzdik eskızdik usynystar 2018 jyldyń 3 qazan kúni saǵat 16:00-de qaralady.Oǵan qatysý úshin baıqaý 2018 jyldyń 1 qazanyna deıin Túrkistan oblysynyń sáýlet jáne qala qurylysy basqarmasyna tapsyrylýy qajet (sauletuko@yandex.ru, 53-95-56). Jeńimpazdar dıplommen jáne qarjylaı syılyqtarmen marapattalady. Jalpy júlde qory - 1 mıllıon teńge.
Baıqaýǵa jeke jáne zańdy tulǵalar qatysady. Baıqaý talaptary: túsinikteme jazba, eskızdiń maqsatyn aıqyndaıtyn negizgi syzbalar, kompıýterlik keskindeme nemese túrli-tústi boıaýmen salynǵan sýreti, jobalar kólemi 90h60 sm planshetterge ornalastyrylýy qajet.
Baıqaýǵa qatysýshylardyń usynystaryn respýblıkaǵa belgili sáýletshiler men sala mamandary saralaıtyn bolady.
