Túrkistan oblysynyń úsh aýdanynda 6 kósheni sý basqan: Polıtsııa kómekke keldi

TÚRKІSTAN. QazAqparat - Túrkistandyq polıtseıler sý basyp qalǵan aýdandardyń turǵyndaryna kómek kórsetip jatyr, dep habarlaıdy QazAqparat polıtsııaǵa silteme jasap.

Sońǵy aqparat boıynsha, Túrkistan oblysynda aýa raıynyń qolaısyzdyǵyna baılanysty Báıdibek, Ordabasy jáne Saýran aýdandarynda 6 kóshe, 48 aýla sý astynda qalǵan.

Bul iske kómekke Túrkistan oblysy polıtsııasynyń jeke quramy tartyldy.

Polıtseıler men tıisti qyzmetterdiń qyzmetkerleri halyqqa kómek kórsetip, jańbyr sýynyń baǵytyn burý jumystaryn júrgizip jatyr.

Zardap shekkender joq.

Eske sala keteıik, óńirdegi Kentaý, Túrkistan qalalarynda jáne Báıdibek, Saýran, Ordabasy aýdandarynda jaýyn-shashynnan kósheler men aýlalardy sý basyp jatqanyn habarlaǵan edik.

Dál qazir tasqyn sý Saýran aýdanyndaǵy eldi mekenderge qaýip tóndirip tur.

Sý tasqynyna baılanysty Saýranda mektep oqýshylary onlaın oqýǵa kóshti.

Vıdeodan alynǵan kadr/t.me/POLICE_of_KZ