Túrkistan oblysynyń turǵyny úsh jasar qyzyn zorlap óltirdi degen kúdikke ilindi
TÚRKІSTAN. QazAqparat - Túrkistan oblysynda ákesi úsh jasar qyzyn zorlap óltirgen dep aıyptalýda. Ordabasy aýdandyq soty 40 jastaǵy turǵyndy ýaqytsha tergeý abaqtysyna qamaýǵa alý týraly sanktsııa berdi, dep habarlaıdy QazAqparat tilshisi.
Ordabasy aýdandyq sotynyń sýdıasy Altaı Qalyquldyń aıtýynsha, 8 qazan kúni kúdikti eki aıǵa ýaqytsha tergeý abaqtysyna qamaldy.
«Bórjar aýylynyń turǵyny QR QK-niń 99-baby 2-shi bóliginiń 3,5,14 tarmaqtarymen («Adam óltirý») jáne 120-baby 4-shi bóligi («Jas balany zorlaý») boıynsha aıyp taǵylýda. Ol buryn sońdy sotty bolmaǵan. Áıeli bar. Mundaı jaǵdaı bizdiń aýdanda birinshi ret tirkelip otyr», - deıdi Altaı Qalyqul.
Al, Oblystyq ІІD baspasóz qyzmetiniń málimetinshe qylmystyq isti tergeý basqarmasy qyzmetkerleri qarap jatyr.
Aıta keteıik, qaıǵyly jaǵdaı qazan aıynyń 6-sy kúni bolǵan. Aýyl turǵyndarynyń aıtýynsha búldirshin bul otbasynyń jalǵyz perzenti bolǵan.
