Túrkistan oblysynyń turǵyny gazben júretin shaǵyn traktor qurastyrdy
Keles aýdanyna qarasty Kókbulaq aýylynyń turǵyny Ahmed Shúkiruly qoldan shaǵyn traktor qurastyryp shyqty. Bir ereksheligi ónertapqysh aýlanyń ár buryshynda jatqan jaramsyz tehnıka bólshekterin jınap, kádege asyrǵan. Máselen, traktordyń matory Vaz-2106 kóliginen alynǵan. Al, qozǵaltqyshy GAZ-52-ge tıeseli. Sondaı-aq, artqy most GAZ-53 kóliginiki. Júrgizýshi otyratyn kabınany kádýelgi temirmen dánekerlep, tóbesin matamen japqan. Jalpy aýyl turǵyny úsh jyl ishinde gazben júretin shaǵyn traktordy qoldanysqa endirdi.
«Aýylymyzdyń turǵyndary aýyl sharýashylyǵy salasynda eńbektenedi. Traktor alýǵa ekiniń biriniń qoly jete bermeıdi. Sodan bos ýaqytymda kereksiz tehnıkalardyń basyn qosyp, traktor qurystyrýǵa kiristim.Aldaǵy ýaqytta traktordy jetildiremin. Plastıkten terezeler ornatyp, esik qoıamyn», – deıdi ol.
Búgingi kúni Ahmed Shúkirulynyń qoldan jasaǵan traktory aýyldaǵy jer jyrtý, shóp jınaý, egindi tyrmalaý, júıek tartý jumystaryna jarap tur. Aýyl turǵyndary arnaıy aqysyn berip, qajetti jumystaryn jasatýda. Ónertapqyshta bul baǵyttaǵy jumystaryn jalǵastyra bermek.
