Túrkistan oblysynyń turǵyny bankke 20 mıllıon teńge shyǵyn keltirgen

TÚRKІSTAN. QazAqparat - Túrkistan oblysynda bankke 20 mıllıon teńge shyǵyn keltirgen kúdikti tergelýde, dep habarlaıdy QazAqparat tilshisi.

Oqıǵa Saryaǵash aýdanynda bolǵan. Jergilikti polıtsııa bólimine aryzdanǵan bank ókili turǵynnyń mobıldi qosymsha arqyly 20 mıllıon teńge shyǵyn keltirgenin aıtqan.

«Polıtsııa qyzmetkerleri atalǵan jaıtty QR QK-niń 190-baby «Alaıaqtyq» boıynsha tirkedi. Kúdikti retinde jergilikti turǵyn, jumyssyz jas jigit anyqtaldy. Ol bank qosymshasy arqyly taýar satý-satyp alý operatsııalaryn jasaımyn dep, 1 aı ishinde 20 mıllıon qarajat alǵan. Alaıda eshqandaı taýar almaı, aqshany óz qajettiligine jumsap jibergen. Qazirgi tańda er adam qamaýǵa alynyp, sotqa deıingi tergeý amaldary júrgizilýde», -delingen Túrkistan oblysy polıtsııa departamentiniń baspasóz qyzmeti taratqan habarlamada.