Túrkistan oblysynyń turǵyny Atyraýda vaktsına saldyryp, 200 myń teńge utyp aldy
Óńirlik kommýnıkatsııalar qyzmetiniń málimetine súıensek, «Vaktsına sal da, aqshalaı syılyqqa ıe bol!» aqshalaı utysy 4 ret oınatylǵan. Utysqa ıe bolǵandardyń ishinde eki adam 3 mln teńgeni, ózgeleri 200 myń teńgeni utyp alǵan.
Utystyń 4-kezeńinde 200 myń teńgeni ıelengenderdiń arasynda Túrkistan oblysynyń turǵyny Baıqonys Sársembaev ta bar. Atyraý oblysynda aýysymdyq tásilmen jumys isteıtin ol osyndaǵy egý beketinen vaktsına saldyrǵan.
«Qazaqta «Júgirgen jetpes, buıyrǵan ketpes» degen naqyl bar ǵoı. Vahtalyq jumysqa barar aldynda óz densaýlyǵymdy oılap, vaktsına saldyrǵan edim. Biraq, aqsha utamyn degen oı bolǵan joq. Degenmen, qaı kezde de aqsha artyq etpeıdi ǵoı» -deıdi Baıqonys Sársembaev.
Eske sala ketelik, budan buryn vaktsına saldyrǵan atyraýlyq týǵan kúninde 200 myń teńge utyp alǵan bolatyn.
