Túrkistan oblysynyń turǵyndary qarjy pıramıdalaryna 3 mlrd teńgeden astam qarjy salǵan
Ótken jyly oblys aýmaǵynda qarjylyq pıramıdaǵa qatysty 5 qylmystyq is anyqtalyp, shyǵyn kólemi 3 mlrd 291 mln 906 teńgeni quraǵan. Bul týraly brıfıngte Túrkistan oblysy polıtsııa departamenti tergeý basqarmasynyń bastyǵy Nurmahan Jalǵasov aıtty ótti.
«2020 jyldan beri onlaın-kredıttik alaıaqtyqpen aınalysatyn mıkroqarjy uıymdaryna qatysty 213 qylmystyq is tirkelgen. Anyqtalǵan qylmystyq isterdiń kóbi Tengo.kz, Freedom finance, Fincap, Koke.kz, Capvia, Dengiclick.kz sekildi iri mıkroqarjy uıymdaryna qatysty. Qazirgi tańda kıberqylmystarmen kúres júrgizetin IT-mamandarynyń biliktiligin arttyrý qolǵa alynýda», - dedi Nurmahan Toǵaıbaıuly.
Al, qylmystyq qýdalaý basqarmasynyń aǵa prokýrory Sultan Battalovtyń keltirgen málimetine súıensek, qarjy pıramıdalarynyń basty uıymdastyrýshylary oblystan tysqary jerde ornalasqan. Máselen, «Svoı dom» qarjy pıramıdasy Reseıde qurylsa, «Indigo» uıymynyń belsendileri Almaty qalasynda eken. Alaıda, jábirlenýshilerdiń basym bóligi Túrkistan oblysynyń turǵyndary bolyp shyqqan.
Aıta keteıik, Túrkistan oblysynda jyl basynan beri 140 ınternet-alaıaqtyq qylmys tirkelgen.