Túrkistan oblysynyń turǵyndary asarlatyp, jolǵa asfalt tósep aldy
Saıram aýdanyna qarasty Arys aýylyndaǵy Sarman ıÝsýpalıev kóshesiniń turǵyndary asarlatyp, kóshelerine asfalt tósep aldy. Bul ıgi iske bir kóshe boıynda turatyn turǵyndar uıytqy boldy. Árbir otbasy jaǵdaıynyń jetkeninshe ortadan aqsha jınaǵan. Al, kásipkerleri demeýshilik jasap, qomaqty qarjyny qorǵa aýdardy. Nátıjesinde 1 shaqyrym bolatyn aýyldaǵy ortalyq kóshe tolyq jóndeýden ótti.
«Aýyl azamattary 5000 teńgeden bastap 300 000 teńgege deıin ortaq qazynaǵa óz úlesterin qosty. Nátıjesinde jalpy somasy 7 mln teńgeden astam qarjy jınaldy. Onyń 600 000 teńgesin joldy keńeıtý jumystaryna jumsadyq. Sodan 200 metr jerge tolyq asfalt tósedik. Onyń eni 12 metr, qalyńdyǵy 8 sm boldy. Keıinnen joldyń qalǵan bóligindegi shuńqyry kóp tustaryn tegistep shyqtyq» - deıdi ıgi istiń bastamashysy Atabek Sarmanov.
Saıramdyq turǵyndar aldaǵy ýaqytta taǵy da ortadan aqsha jınap, jaıaý júrginshiler jolyn salýdy jáne aıaldamalar ornatýdy josparlap otyr.
«Jalpy ıgi iske úles qosqan jerlesterime alǵys aıtamyn. Barshasy bir kisideı jumys istedi. Kóshemizdiń jigitteri túgel asarǵa shyqty. Kásipkerlerimiz tehnıkalardy jaldap alyp keldi. Bir aptanyń kóleminde kópke úlgi bolarlyq is atqardyq» - deıdi aýyl turǵyny Atabek Sarmanov.
