Túrkistan oblysynyń Túlkibas aýdanynda 140 otbasy baspanaly boldy
TÚLKІBAS. QazAqparat - Túlkibas aýdanynda turǵyn úı kezeginde turǵan 140 otbasy baspanaly boldy, dep habarlaıdy |QazAqparat Túrkistan oblysynyń Óńirlik kommýnıkatsııalar qyzmetine silteme jasap.
Jańa páterler kópbalaly jáne az turmysy tómen otbasylarǵa berildi. Atap aıtqanda, 83 páter kópbalaly otbasyǵa, 45 páter halyqtyń áleýmettik jaǵynan álsiz tobyna, 12 páter memlekettik qyzmetshi men bıýdjettik uıym qyzmetkerlerine berilgen.
Sondaı-aq, aýdanda ishki joldardy jóndeý, ınfraqurylym júrgizý, abattandyrý syndy jumystar 2020 jyly jaqsy júrgizilgen. Aýdan aýmaǵyndaǵy 67,88 shaqyrymdy quraıtyn 54 jol kúrdeli jáne ortasha jóndeýden ótip, el ıgiligine paıdalanýǵa berildi. Onyń ishinde, 19,3 shaqyrym 6 jolǵa kúrdeli jóndeý jumystary, 49 shaqyrym 48 jolǵa ortasha jóndeý jumystary júrgizildi.
Kóshelerdi jaryqtandyrý boıynsha 6 eldi mekenniń 8 kóshesine sońǵy úlgidegi jaryqshamdar ornatylyp, pandemııa kezinde asa mańyzdy nysandardyń biri bolǵan ortalyq aýrýhanaǵa baratyn Abırov, Bekbosynov jáne Qonaev kóshelerine qosymsha 100 danasy qoıylǵan. Sonymen qatar, ótken jyldyń sońynda Sastóbe kentinde zamanaýı kárizdik sorǵy stantsııasy men kárizdik sýlardy tazalaý orynynyń qurylysy tolyǵymen aıaqtalyp, paıdalanýǵa berilgen.
