Túrkistan oblysynyń Tólebı aýdanynda 120 otbasy baspanaly boldy

TÚRKІSTAN. QazAqparat - Túrkistan oblysy, Tólebı aýdanynda 120 otbasy baspanaly boldy, dep habarlaıdy QazAqparat tilshisi.

Leńgir qalasynda «Nurly jer» baǵdarlamasymen qurylysy aıaqtalǵan 20 páterli kópqabatty 6 turǵyn úı paıdalanýǵa berildi. Olardyń ishinde halyqtyń áleýmettik osal toptary sanatyndaǵy 60 otbasy, ata-ana qamqorlyǵynsyz qalǵan 3 adam, kópbalaly otbasylar sanatyndaǵy 57 januıa bar.

«Memleket basshysynyń tapsyrmasy boıynsha qoljetimdi turǵyn úı qurylysynyń kólemi bıyl da artady. Osynyń bári – halyqtyń ál-aýqatyn arttyrýǵa baǵyttalǵan memlekettik saıasattyń jemisi. Jańa qonys ıelerin shyn júrekten quttyqtaımyn»,- dedi oblys ákimi Ómirzaq Shókeev.

Jalpy, Tólebı aýdanynda barlyǵy 4520 azamat turǵyn úıge muqtaj retinde kezekke tirkelgen.