Túrkistan oblysynyń taýly aımaǵynda adasyp qalǵan týrıst qutqaryldy
TÚRKІSTAN. QazAqparat – Túrkistan oblysynyń taýly aımaǵynda adasyp qalǵan týrıst qutqaryldy, dep habarlaıdy QazAqparat Tótenshe jaǵdaılar mınıstrliginiń resmı saıtyna silteme jasap.
Túrkistan oblysy TJD «112» qutqarý qyzmetine 29 mamyrda shamamen saǵat 23:00-de Túlkibas aýdany Qojaberdi aýylynyń ońtústik betkeıinde týrıst taýly aımaqta óz tobynan qalyp qoıyp, adasyp ketkeni týraly habar berilgen.
Іzdestirý-qutqarý jumystary boıynsha Túrkistan oblysy TJD jedel-qutqarý jasaǵynyń qutqarý bólimshesi atalǵan mekenjaıǵa shyǵyp, 29 mamyrda saǵat 1:00-de 1987 jylǵy er azamatty taýyp, qaýipsiz jerge shyǵardy. Týrıstke medıtsınalyq kómek qajet bolǵan joq.
Bul – Túrkistan oblysynyń taýly aımaqtarynda bıyl bolǵan birinshi oqıǵa.
Osy oraıda, oblystyq TJD turǵyndar men qonaqtarǵa eskertedi:
- taýda tek toppen qozǵalý qajet, odan bólinýge bolmaıdy;
- aýa raıy boljamyn aldyn ala anyqtap alý kerek;
- qozǵalys qarqynyn toptaǵy eń álsizderge qaraı anyqtaý kerek;
- qarańǵy ýaqytta nemese tuman kezinde qozǵalýǵa bolmaıdy;
- qaýipti ýchaskelerdiń, jyldam aǵatyn ózenderdiń yqtımal qaýipterin muqııat baǵalaý kerek;
- taýly aımaqtarda joldy muqııat qadaǵalańyz, ásirese jańbyrdan keıin muqııat bolý kerek;
- betkeılerde jáne shuńqyrlarda jatqan tastardy baspaý kerek;
- alǵashqy medıtsınalyq kómek kórsetý úshin qajetti dári-dármek qobdıshasy bolý qajet;
- jyly kıim, qajetti azyq-túlik, jetkilikti mólsherde sý qory bolýyn qamtamasyz etý kerek;
- beıtanys marshrýtpen alǵash ret joryqqa shyqsańyz, mindetti túrde tájirıbeli jolseriktiń bolýyn qamtamasyz etý qajet.
