Túrkistan oblysynyń taýlarynda joǵalyp ketken 12 adam tabyldy
Olar bir otbasynyń músheleri eken. 31 jeltoqsan kúni qoıly aýyldaǵy óz úılerine demalýǵa barǵan. Eki kún boıy bolǵan qatty boran saldarynan joldardyń barlyǵy jabylǵandyqtan, olar keri kaıta almaı, sol jerde kalyp koıǵany anyqtaldy.
3 qańtar kúni otbasy músheleri úıge oralmaǵandyqtan, úıde qalǵan otbasy múshesi olardy izdeý qajettigin aıtyp qutqarýshylarǵa habar bergen.
Túrkistan oblysy TJD 112 pýltine Báıdibek aýdany Baıjansaı taýyna eki avtokólikpen jolǵa shyqqan adamdardyń joǵalǵany týraly habarlama 2023 jyldyń 5 qańtarynda saǵat 10:00-de tústi. Joǵalǵan adamdar sońǵy ret 2023 jyldyń 3 qańtarynda saǵat 16:00-de týystarymen baılanysqa shyqqan bolatyn. Ótinish ıesiniń aıtýynsha joǵalǵan adamdar 3 qańtar kúni Shymkent qalasyna qaıtýlary kerek bolǵan.
Іzdestirý jumystaryna Túrkistan oblysy TJD qutqarýshylary men ótimdiligi joǵary tehnıkasy, TJM tikushaǵy jumyldyryldy.
Qutqarýshylar múgedek áje men eki qyzdy Túrkistan qalasyna evakýatsııalady. Ájege medıtsınalyq kómek qajet bolǵan jaǵdaıda, bul jerge medıtsına qyzmetkerleriniń jetýi qıyn bolatyn edi. Qalǵan 9 otbasy múshesi aýyldaǵy úıde qaldy. Olar evakýatsııadan bas tartyp, jol ashylǵan soń úılerine oralatynyn aıtty.
Túrkistan oblysynyń Tótenshe jaǵdaılar departamenti daýyldyq eskertýlerge qulaq asýǵa keńes beredi.
Foto: TJM baspasóz qyzmeti