Túrkistan oblysynyń Sozaq aýdanynda 70-ke jýyq kún batareıasy ornatyldy
SOZAQ. QazAqparat – Byltyr Túrkistan oblysynyń Sozaq aýdanynda sharýa qojalyqtary úshin kúnnen qýat alatyn 68 qurylǵy ornatyldy. QazAqparat bul týraly oblys ákiminiń baspasóz qyzmetine silteme jasap habarlaıdy.
«Ótken jyly Sozaq aýdanynda «Invest» memlekettik baǵdarlamasy aıasynda aýyl sharýashylyǵy salasyn damytyp, shalǵaıdaǵy malshylarǵa qoldaý kórsetý maqsatynda 585 mln teńgege 43 artezıan qudyǵy qazylǵan. Jaıylymdardy sýlandyrý maqsatynda ornatylǵan qudyqtarǵa 320 mln teńgeden astam sýbsıdııa berildi. Odan bólek, 68 sharýa qojalyǵyna kúnnen qýat alatyn qondyrǵy ornatylyp berildi. Memleket tarapynan bul maqsatta 164 mln teńgeden astam sýbsıdııa tólendi», - dedi ákimdikten.
Málim etilgendeı, jalpy aýdanda 800-den astam agroqurylym bar. Aýdanda aýyl sharýashylyǵy salasyn damytý negizgi maqsattardyń biri. Máselen, 2018-2020 jyldary mal sharýashylyǵyna arnalǵan barlyǵy 62 artezıan qudyǵy ornatyldy.
«Bıyl da shalǵaıdaǵy mal sharýashylyǵymen aınalysatyn 40 sharýalylyqqa qudyq qazylyp, agroqurylymdarǵa kún sáýlesi arqyly jaryqtandyrý qondyrǵylary ornatylady. Óńirde sharýalardy qoldap, sýbtsıdııalaýǵa baǵyttalǵan «Invest» memlekettik baǵdarlamasyna degen qyzyǵýshylyq artýda», - dedi Túrkistan oblysy ákiminiń baspasóz qyzmetinen.
