Túrkistan oblysynyń sheneýniginen kásipker 50 mln teńge bopsalaǵan
Shymkent qalasy PD-ǵa memlekettik mekemelerdiń biriniń basshysy júgindi. Er adam onyń iskerlik bedeline nuqsan keltiretin aqparatty taratamyn dep jeke kásipker 50 mln teńge bopsalap otyrǵanyn aıtty.
Atalǵan jaıtty jedel ýákilder QK-niń 194-baby «Qorqytyp alý» boıynsha tirkedi. Uıymdasqan qylmysqa qarsy kúres basqarmasynyń qyzmetkerleri jedel is-sharalar ótkizip, nátıjesinde kúdiktiniń jeke basyn anyqtady. Ol buryn memlekettik satyp alý boıynsha konkýrsqa qatysqan megapolıs turǵyny bolyp shyqty. Alaıda ol konkýrstan jeńilip, jábirlenýshini kinálaǵan. Ony polıtseıler 45 mıllıon teńgeni qolma-qol alý kezinde ustady.
Onyń 40 mln teńgesi jalǵan aqsha boldy. Kúdikti qamaýda. Oǵan qatysty sotqa deıingi tergeý amaldary júrgizilip jatyr.
Polıtseıler ustalǵan adamnyń osyǵan uqsas basqa da qylmystarǵa qatysy bar-joǵyn tekseredi.
Foto: polisia.kz
