Túrkistan oblysynyń shekara aımaqtarynda energetıka beketteri quryldy
Energetıka beketteri dızel otynyn kórshiles elderge zańsyz tasymaldaý jolyn kesý maqsatynda jumys isteı. Sondyqtan olar shekaralyq aımaqtarda ornalasqan jáne qazirgi tańda Saryaǵash aýdanyndaǵy - «Jibek joly», «Qazyǵurt», Keles aýdanyndaǵy - «B. Qonysbaev», Maqtaaral aýdanyndaǵy «Syrdarııa», «Atameken», «Tselınnyı» ótkizý pýnkterinde jumys istep tur.
«Oblysta janarmaı tapshylyǵyn jasandy túrde týdyryp otyrǵan janarmaı beketterin tekserý úshin arnaıy jumys toby quryldy. Quramyna oblys ákimdigi, Memlekettik kirister, Ekonomıkalyq tergep tekserý, Básekelestikti qorǵaý jáne damytý departamentteriniń mamandary engen jumysshy toby Shymkent-Saryaǵash, Saıram-Túlkibas, Túrkistan-Shymkent baǵytyndaǵy jol boıynda ornalasqan beketterdi tekserip, birshama kemshilikterdi anyqtady», - dedi Túrkistan oblysynyń Kásipkerlik jáne ónerkásip basqarmasy basshysynyń mindetin atqarýshy Qanat Shonbasov.
Aıta keteıik, budan buryn Túrkistan oblysynda munaı ónimderin zańsyz tasymaldaýdyń 94 deregi anyqtalǵanyn jazǵan bolatynbyz.
