Túrkistan oblysynyń sharýalary kóktemde qyzanaq eksporttaýdy bastaıdy
Túrkistan oblysynyń sharýalary kókónisterdi kóktemde naryqqa shyǵarýǵa daıyndalyp jatyr.
Sonyń biri – Saryaǵash aýdany Qablanbek aýyldyq okrýgi aýmaǵyndaǵy ornalasqan «Zandjanıdjad» sharýa qojalyǵy.
Munda qyzanaq ósirýmen 10 adam turaqty aınalysady.
Aldaǵy aıda dıqandar 200 tonna qyzanaqty Reseıge eksporttamaq.
«Bul – otbasylyq bıznes. Dıqanshylyqpen 30 jyldan beri aınalysyp kelemiz. Qarasha aıynda qyzanaq tuqymyn septik, jeltoqsanda jylyjaıda kóshetin otyrǵyzdyq. Naýryz aıynyń sońynda ónim alamyz degen úmit bar. Qyzanaq egý, ony ósirý jumysy júrip jatyr. Qyzanaqtan bólek gúl ósirýdi de josparlap otyrmyz», – deıdi dıqan Rústem Zandjanıdjad.
Aıta keteıik, Saryaǵash aýdanynyń ekonomıkasyn damytýdaǵy negizgi salanyń biri – aýyl sharýashylyǵy.
Aýdan aýmaǵynda ornalasqan 683,2 gektar jylyjaılarda negizinen qyzanaq, qııar, bolgar buryshy, askók, baklajan, tústi qyryqqabat, qulpynaı jáne gúlder ósiriledi.
Foto: Túrkistan oblysy ákimdiginiń baspasóz qyzmeti
