Túrkistan oblysynyń Shardara aýdanynda dzıýdo zaly ashyldy
ShARDARA. QazAqparat - Armrestlıng sportynan álemge tanymal júırikter shyqqan Shardara óńirindegi «Shardara armsporty» klýbynda dzıýdo zaly ashyldy, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.
Baspasóz qyzmetiniń málimetterine qaraǵanda, saltanatty sharaǵa Túrkistan oblysynyń ákimi Ómirzaq Shókeev qatysyp, kezdesýge kelgen jastarǵa sáttilik tiledi.
«Armrestlıng degen sırek kezdesetin sport túrinen Shardara aýdanynyń sportshylary iri dodalarda elimizdiń atyn álemge pash etip júr. Shekara tańdamaıtyn sport arqyly jerlesterimiz álem jurtshylyǵyna tanymal. Densaýlyqtyń negizgi sharty - mádenı orta, salaýatty ómir salty. Sondyqtan da Elbasy N.Á.Nazarbaev «Qazaqstan-2030» strategııalyq baǵdarlamasynda «Salaýatty ómir salty árqaısymyzdyń dene tárbıesimen aınalysýymyzǵa, durys tamaqtanýymyzǵa, tazalyq pen saýyqtyrý sharalaryn saqtaýymyzǵa baǵyttalǵan» dep atap kórsetken. Jalpy, sportpen shuǵyldanamyn degen adam jer tańdamaıdy. Naǵyz talantty jastar aýylda»,-dedi oblys ákimi Ómirzaq Shókeev.
Dzıýdo zalynda jergilikti ul - qyzdar jattyǵatyn bolady. Qol kúres sportynan myqtylyǵyn álemge moıyndatyp keletin shardaralyq jastar klýbta boks, kúres, karate, naıza, ıadro laqtyrýmen shuǵyldanady.
Oblys basshysynyń atynan kásibı sportshylarǵa arnalǵan amerıkalyq sport jabdyqtary syıǵa tartyldy.
