Túrkistan oblysynyń Saıram aýdanynda sút zaýyty iske qosyldy
TÚRKІSTAN. QazAqparat - Túrkistan oblysynyń ákimi Ómirzaq Shókeev jumys saparymen Saıram aýdanyna keldi, dep habarlaıdy QazAqparat.
Oblys basshysy áýeli Saıram aýdanynan ótetin oblystyq mańyzy bar KH-97 «Aqsý – Shymkent» avtomobıl jolynyń qaıta qurý jumystarymen tanysty. Sodan keıin aýdan ákimi Ulasbek Sádibekovpen birge «Qamqorlyq» aımaqtyq baǵdarlamasy aıasynda kómek alǵan Qarasý aýyldyq okrýginiń turǵynynyń shańyraǵyna baryp, otbasynyń búgingi turmys-tirshiligin kórdi.
Budan keıin Ómirzaq Shókeev Saıram aýdanynan ótetin oblystyq mańyzy bar KH-3 «Kóksáıek – Aqsý – Shaıan – Myńbulaq» avtomobıl jolyna kúrdeli jóndeý jumystary qajettigine kóz jetkizdi. Aýdan ortalyǵy Aqsýkent eldi mekenin retke keltirý jumystarymen baǵamdady.
Sondaı-aq, sapar barysynda oblys ákimi bastaǵan jumysshy top Aqsýkent aýyldyq okrýgindegi aýysymyna 500 adam qabyldaıtyn aýdandyq emhana men jedel járdem stantsııasynyń qurylys jumystarymen tanysty. Emdeý mekemesi jaqyn kúnderi ashylmaq.
«Oblys basshysy Saıram aýdanyndaǵy jumys saparyn Aqsýkent aýyldyq okrýginde ornalasqan «AIKAN» JShS sút zaýytynda qorytyndylady. «AYKAN» JShS sút ónimderin óńdeıtin zaýytynyń ashylýy saltanatyna qatysty. Atalǵan óndiris orny «Óńirler kásipkerligin qoldaý kartasy aıasynda» iske qosylǵan. «Bıznestiń jol kartasy – 2020» baǵdarlamasy aıasynda 100 mln. teńge jáne 24 mln. teńge kóleminde ınvestıtsııalyq sýbsıdııaǵa qoldaý kórsetilgen. Jańa óndiris ornynda táýligine 100 tonna sút óndiriledi. 80 adam turaqty jumyspen qamtylǵan óndiriste túrik tehnologııasymen irimshiktiń 9 túri shyǵarylady», - dedi oblysy ákiminiń baspasóz qyzmetinen.
