Túrkistan oblysynyń Saýran aýdanynda sport ǵımaraty qoldanysqa berildi

TÚRKІSTAN. QazAqparat - Túrkistan oblysy, Saýran aýdanyndaǵy Eski Iqan aýylynda Táýelsizdiktiń 30 jyldyǵy aıasynda salynǵan sport ǵımaratynyń ashylý saltanaty ótti. Jıynda aýdan ákimi Ǵanı Rysbekov bul kesheniniń sportty damytýda mańyzy zor ekendigin atap ótti, dep habarlaıdy QazAqparat tilshisi.

Nysandy jeke kásipker Mamırhan ıÝldashev memlekettik-jekeshelik áriptestik jobasy aıasynda óz qarjysy esebinen «Týǵan jer» baǵdarlamasy aıasynda salyp bergen. Týǵan jerine tartý jasaǵan isker azamat osy arqyly buqaralyq jáne kásiptik sportty damytýdy kózdep otyr.

Aıta keteıik, jańa ǵımaratty salýǵa 416 mln teńge jumsalǵan. 240 orynǵa arnalǵan sport kesheninde 28 adamdy turaqty jumyspen qamtý kózdelgen. Nysan elimizdegi «100 dene shynyqtyrý-saýyqtyrý kesheni» qataryna kirip otyr. Munda 18 jasqa deıingi 338 bala sport úıirmesine tegin jazylmaq.

Sonymen birge mereke qarsańynda Saýran aýdanyndaǵy Qarashyq aýylynda «Jasmın» bastaýysh mektep-balabaqsha kesheniniń ashylý saltanaty ótti. Táýelsizdikke tartý bolǵan ǵımaratty jeke kásipker Atahan Faızıev óz qarajatyna salyp berdi. 200 balaǵa laıyqtalǵan nysanda 100 bala tárbıelenetin bolady.