Túrkistan oblysynyń prokýrory turǵyndardyń aryz-shaǵymdaryn tyńdady
Qabyldaýda bolǵan túrkistandyq turǵyndar Kamshat Absattarova men Myrzahan Baıdaýletov, túlkibastyq Azimbek Moldashov pen kentaýlyq Erkın Pattýlaev zań qyzmetkerleriniń is-áreketine narazylyqtaryn jetkizdi. Al, Myrzahan Baıdaýletov esimdi azamat jeke aıyptaý máselesi boıynsha qozǵalǵan qylmystyq istiń sozbalańǵa salynyp otyrǵandyǵyn aıtyp ótti.
Sol sııaqty Azimbek Moldashuly qylmystyq is boıynsha kýágerlerdiń bergen jaýaptarymen kelispeıtindigi jaıly shaǵymdandy. Sot sheshimimen kelispeıtini jónindegi shaǵymdy Erkın Pattýlaev da atap ótti.
Ádildik izdep júrgen turǵyndardyń janaıqaıyn tyńdaǵan oblys prokýrory shaǵymdanǵan azamattardyń máselelerin nazarǵa alyp, baqylaýda ustaıtynyn eskertip ótti.
Qoǵamdyq qabyldaýǵa jer máselesimen kelgen shaǵymdanýshylar da boldy. Máselen, túrkistandyq Aıgúl Aımenova beton zavodynyń jeti jyldan beri úıine zaqym keltirip jatqandyǵy jóninde aryzdandy. Al, túrkistandyq Mahsat Mambetov anasynyń atyna berilgen 10 sottyq jer telimin qalanyń qurlysyna baılanysty memleket qaıtyp satyp alǵanyn, biraq qarjyny 8 aıdan beri qala ákimshiligi bermeı otyrǵany jaıly saýalyn qoıdy.
Qabyldaýǵa kelgen azamattardy muqııat tyńdaǵan Nurǵalym Májıtuly aryzdanýshylardyń aryzyna qaraı keńes berip, olardyń oń sheshimin tabýdy qadaǵalaıtyndyǵyn aıtty. Óz kezeginde «QazTransGazAımaq» AQ ornatqan tarıfyna qarsy aryzy boıynsha Saıramnan kelgen Janibekov Ergalıǵa da kómek kórsetiletin boldy. Bul máseleler partııa baqylaýyna da alynatyn boldy.
«Qoǵamdyq qabyldaýǵa kelgen turǵyndardyń tilekteriniń oryndalýy partııa baqylaýynda bolady. Aldaǵy ýaqytta da munda túrli saladaǵy basshylar kelip, turǵyndardyń suraqtaryna jaýap beredi. Óıtkeni, búgingi tańda «Open Space» formatyndaǵy qoǵamdyq qabyldaý bólmesi oblysymyzdaǵy bılik pen buqarany toǵystyratyn alańǵa aınalyp otyr», – dedi «Nur Otan» partııasy Túrkistan oblystyq fılıaly tóraǵasynyń birinshi orynbasary B. Tájibaev.
