Túrkistan oblysynyń prokýrory tólebılik turǵyndarmen kezdesti
Kezdesý barysynda aýdan prokýrory D.Tlemısov azamattardyń quqyqtaryn qorǵaý jáne quqyqbuzýshylyqtyń aldyn alý baǵytynda atqarǵan jumystaryn baıandap ótti. Sondaı-aq, aýdandyq polıtsııa bóliminiń bastyǵy B.Janaev ta turǵyndarǵa quqyq buzýmen kúresý baǵytynda júrgizilgen jumystardy jetkizdi. Munan keıin oblys prokýrora azamattardy jeke qabyldady. Aýdannyń 9 turǵyny Nurǵalym Ábdirovke aryz-shaǵymyn aıtyp, máselesin jetkizdi.
Ótinishterdiń bir bóligi boıynsha túsindirme berilip, qabyldaýǵa qatysyp otyrǵan aýdan ákimdiginiń, polıtsııa jáne basqa da organdar basshylyǵyna tıisti tapsyrmalar berildi. Basqa da aryzdar prokýrorlyq baqylaýǵa alyndy. Saýaldardyń birqatary turǵyn úılerdi ınfraqurylym júıelerimen qamtamasyz etýge qatysty bolsa, endi bir bóligi jol-kólik oqıǵalaryn qamtydy.
Qashyqtyqqa qaramaı oblys prokýrorymen kezdesýge shalǵaıdaǵy aýyl turǵyndary da kelip, aýyldaǵy qylmystyń jaǵdaıyn jetkizdi. Azamattardyń syn-eskertpesi qýdalaýshy organ júrgizip jatqan tergep-tekserý men profılaktıkalyq is-sharalardyń sapasyna da qatysty boldy. Osyǵan oraı, polıtsııa basshylyǵyna óńirde tergeý sapasyn joǵarylatý men quqyqtyq tártipti ornatý tapsyryldy.
Іs-sapar barysynda oblys prokýrory azamattardy qabyldaýmen shektelmeı oblystyq sottyń tóraǵasymen birlesip jergilikti aktıvpen kezdesip, aýdanǵa mańyzy zor máselelerdi talqylap ótti.
Atap aıtqanda, keı sanattaǵy isterdi qaraý sot tájirıbesi, quqyqbuzýshylyqtyń tómendeýine áser etetin kóshelerdi jáne joldardy jaryqtandyrý, beınebaqylaý qurylǵylaryn ornatý, tirek pýnktileriniń qyzmetin jandandyrý jaıy sóz boldy. Prokýror qurylysy on jyldan astam ýaqyt buryn júrgizilgen, alaıda tirkeýden ótpegen turǵyn úılerdi zańdastyrý máselesine erekshe nazar aýdardy. Mundaı qurylystar 300-den asady jáne úı ıeleri qaıda baratynyn, ony qalaı zańdastyratynyn bilmeıdi.
Oblys prokýrory barlyq áleýmettik toptyń pikirin tyńdap, aýmaqtaǵy jaǵdaıǵa qanyqty.
«Azamattardyń qyzyǵýshylyǵy prokýratýra organdaryna degen senimniń joǵary ekenin kórsetedi. Sondyqtan mundaı kezdesýler oblysymyzdyń basqa da óńirlerinde jáne júıeli túrde ótkiziledi», - dedi Nurǵalym Ábdirov.