Túrkistan oblysynyń prokýrory aýyl turǵyndarymen kezdesti

TÚLKІBAS. QazAqparat – Túrkistan oblysynyń prokýrory Nurǵalym Ábdirov Túlkibas halqymen kezdesip, 12 azamatty qabyldady, dep habarlaıdy QazAqparat tilshisi.

Kezdesý barysynda turǵyndar negizinen áleýmettik máselelerge qatysty kóptep saýaldar qoıdy. Onyń ishinde jetkilikti qamtamasyz etilmegen januıalardyń áleýmettik járdemderdi alýdaǵy qıyndyqtary, aýyldaǵy jumyssyzdyq, joldardyń jóndelýi jáne kóshelerdi jaryqtandyrýǵa qatysty boldy. Qaralǵan árbir másele jóninde tıisti usynystar men túsiniktemeler berilip, prokýratýra qyzmetkerlerine naqty tapsyrmalar berildi.

Sonymen qatar oblys prokýrory aýdanǵa sapary barysynda jergilikti atqarý jáne quqyq qorǵaý organdarynyń basshylyǵymen kezdesip, óńirdegi aýyr qylmystar men mal urlyǵy jáne jol-kólik oqıǵalaryna qatysty qylmystardy tómendetýge baılanysty atqarylatyn jumystar týraly suraqtardy talqylady. Paıdalanylmaı jatqan jerlerdi memleketke qaıtarý jáne jasóspirimder arasyndaǵy qylmysty azaıtý máselesin túbegeıli sheshý jóninde tapsyrmalar berdi.

Kezdesýdiń nátıjesinde Nurǵalym Ábdirov memlekettik organdarǵa eldi mekenderge shyǵyp, halyqpen kezdesý arqyly olarǵa tıisti túsindirý jumystaryn júrgizý qajettigi týraly atap ótti.