Túrkistan oblysynyń polıtseıleri jyldamdyqty asyrǵan 300 myńǵa jýyq júrgizýshini anyqtady
TÚRKІSTAN. QazAqparat – Túrkistan oblysynyń polıtseıleri jyldamdyqty asyrǵan 300 myńǵa jýyq júrgizýshini anyqtady, dep habarlaıdy QazAqparat Túrkistan oblystyq Polıtsııa departamentiniń baspasóz qyzmetine silteme jasap.
Baspasóz qyzmetiniń málimetterine qaraǵanda, Túrkistan oblysynyń polıtseıleri jol apattarynyń aldyn alý men boldyrmaý maqsatynda árdaıym júelı jumystar atqaryp keledi. Oblys polıtseıleriniń nátıjeli jumystarynyń arqasynda aýmaqta qaýipsizdikti qamtamasyz etý úshin beınekameralar men arnaıy jyljymaly keshender sany artty. Sonyń negizinde 2020 jyldyń 12 aıynda jol erejesin buzǵan júgensiz júrgizýshiler ustalyp, olarǵa qatysty tıisti ákimshilik shara qoldanyldy.
«ıAǵnı ótken jyly tártip saqshylary 300 myńǵa jýyq jyldamdyqty asyrǵan jáne qarsy jolaqqa shyqqan 700-ge jýyq júrgizýshini anyqtady. Sonymen qatar jol qozǵalysy kezinde uıaly telefonmen sóılesken 6 myńǵa jýyq, qaýipsizdik beldigin taqpaǵan 30 myńnan astam júrgizýshini ustady»,- delingen habarlamada.
Óz kezeginde bul sandar tártip saqshylarynyń jumysty odan ári de jandandyryp, 2019 jylmen salystyrǵanda áldeqaıda joǵary kórsetkishke qol jetkizgenin kórsetti. Sondaı-aq ákimshilik quqyqbuzýshylyq boıynsha óndirilgen aqsha kólemi de qomaqty boldy. Máselen 2019 jyly 1 mıllıard 200 mıllıonnan astam teńge óndirilse, 2020 jyly 4 mıllıard 300 mıllıonnan astam teńge memleket qazynasyna qaıtaryldy.
Jalpy oblys polıtseıleri jol qozǵalysyn qadaǵalaý maqsatynda profılaktıkalyq jedel is-sharalardy kún tártibinen túsirmeı keledi. Mundaı nátıjeli jumystar turǵyndar men qonaqtardyń qaýipsizdigin udaıy qamtamasyz etý maqsatynda aldaǵy ýaqytta da jalǵasyn tappaq.
Aıta ketetin jaıt, oblys kóleminde polıtseılerdiń qadaǵalaýynda 56 beınekamera men 21 fıksator bar. Bolashaqta atalǵan keshenderdiń sanyn arttyrý jaıy da qaralýda.
