Túrkistan oblysynyń polıtseıleri qylmysty ashýǵa kómektesken azamattardy marapattady
TÚRKІSTAN. QazAqparat - Túrkistan oblysynyń polıtseıleri qylmysty ashýǵa kómektesken azamattardy marapattady. Jetisaı aýdandyq polıtsııa bóliminde marapattalǵan úsh jergilikti turǵyn bótenniń múlkin urlaý men tonaýǵa qatysy bar kúdiktilerdi ustaýda belsendilik tanytqan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, Jetisaı qalasyndaǵy bir kóshede eki birdeı qylmys oryn alǵan.
«Polıtsııaǵa jergilikti turǵyn belgisiz bir er azamattyń uıaly telefonyn tartyp alǵandyǵy týraly aryzdanady. Birshama ýaqyt ótkennen soń kezekshi bólimge Jetisaı qalasynyń turǵynynyń avtokóliginen ámııan urlanǵandyǵy jaıly habarlama kelip túsedi. Qylmysty ashý maqsatynda Jetisaı APB-niń qyzmetkerleri arasynan jedel-tergeý toby qurylyp, qoǵamdyq kómekshiler Jasulan Sabyrhanuly men Temirlan Qarabaı, Marat Kýkbaev polıtseılerge kúdiktiniń tulǵasyn anyqtaýǵa kómektesken. Azamattardyń qyraǵylyǵy men ǵımaratta ornalasqan beıne baqylaý kameralarynyń arqasynda tártip saqshylary kúdiktiniń tulǵasyn anyqtap, der kezinde ustaı alǵan» delingen habarlamada.
Osy rette Jetisaı APB-niń basshysy, polıtsııa polkovnıgi Ermahan Abdramanov saltanatty is-shara uıymdastyryp, qylmyskerdi ustaýda óz úlesin qosqan turǵyndarǵa baǵaly syılyqtar men alǵys hattar tapsyrdy.
