Túrkistan oblysynyń polıtseıleri 9 jyl buryn joǵalyp ketken jigitti otbasyna tapsyrdy
2012 jyly Túlkibas APB-ǵa Arys qalasyndaǵy balalar úıiniń basshylyǵy aryzdanyp, Túlkibas aýdanynda lagerde júrgen 15 jasar tárbıelenýshisiniń iz-túzsiz joǵalyp ketkenin jetkizedi.
Jasóspirim joǵalǵan soń aýdan saqshylary bolǵan jaıtty birden tirkep, jedel izdestirý jumystaryna kirisip ketedi. Lagerdiń aýmaǵy men barýy múmkin jerlerdiń barlyǵyn sholyp shyǵady. Alaıda izdestirý jumystary nátıjesiz bolady.
Osylaısha 9 jyl ótkende, ıaǵnı aǵymdaǵy jylda jedel ýákilder joǵalǵan er balany tapty. Krımınaldyq polıtsııa basqarmasynyń polıtseıleri sol kezdegi jasóspirimniń búgingi tańda Keles aýdanynda mal baǵyp, kúneltip júrgenin anyqtady. Joǵalǵan bala qazirgi ýaqytta 24 jasta. Ony polıtsııa bólimine jetkizgen tártip saqshylary arnaıy psıholog mamandarymen sóılestirdi.
Belgili bolǵandaı jas jigit óz erkimen shyǵyp ketip, eresek adamdar sekildi ómir súrgisi kelgen. Sodan soń jaldamaly qoıshy bolyp jumys istep, kúneltken.
Tártip saqshylary jigittiń týystaryn taýyp qaýyshtyrdy. Sonymen qatar joǵalý jaıty boıynsha aryzdanǵan balalar úıiniń tárbıelenýshisin de shaqyryp, baılanystyrdy. Jigittiń aǵasy men balalar úıindegi ustazy tártip saqshylaryna nátıjeli jumys pen izdegen jandaryn din aman taýyp, otbasymen qaýyshtyrǵany úshin alǵystaryn aıtty.