Túrkistan oblysynyń memlekettik qyzmetshileri shaǵyn fýtboldan jarysty
TÚRKІSTAN. QazAqparat - Túrkistan oblysynyń memlekettik qyzmetshileri udaıy sportpen shuǵyldanyp, salaýatty ómir saltyn ustanady. Oblys basshysy Ómirzaq Shókeevtiń bastamasymen óńir əkimdigi men oblystyq Dene shynyqtyrý jəne sport basqarmasynyń uıymdastyrýymen shaǵyn fýtboldan memlekettik qyzmetshiler arasynda qysqy birinshilik bastaldy, dep habarlaıdy QazAqparat.
Óńirdiń barlyq departament, basqarma qyzmetkerleri arasynda 16 jeltoqsan - Təýelsizdik kúni merekesine oraı 16 komanda jınaqtalyp, ózara myqtylardy anyqtady. Ár komandada 5 adamnan qatysty. Sporttyq sharaǵa Túrkistan oblysy ákiminiń orynbasary Sáken Qalqamanov qatysyp, sportshylarǵa sáttilik tiledi.
Jasyl alańǵa shyqqan 100-ge jýyq memlekettik qyzmetshi ózderiniń sportta da osal emes ekendikterin kórsetti. Saıysqa qatysýshylar arasynda sanıtarııalyq talaptar qatań saqtalǵan.
Tórt birdeı ashyq alańda qatar ótken jarys qorytyndysymen, qatysýshylar aqtyq saıysta kezdesti.
Aıta keteıik, oblys aýmaǵynda dál osyndaı 100-den astam ashyq fýtbol alańshalary salynǵan.
Bas júldeni ózderiniń birlikteri arqasynda Túrkistan oblystyq Adamı áleýetti damytý basqarmasynyń qurama komandasy jeńip alsa, kúmis júldeni oblystyq Jumyspen qamtýdy úılestirý jəne əleýmettik baǵdarlamalar basqarmasy qyzmetkerleri ıelendi. Al, Túrkistan oblysynyń Qoǵamdyq densaýlyq basqarmasynyń komandasy qola júldeger atandy. Jeńimpaz komandalarǵa 10 medaldan tabystaldy.
Jarys jeńimpazdaryn marapattaǵan Túrkistan oblysy ákiminiń orynbasary Sáken Qalqamanov mundaı sporttyq saıystardyń ár apta saıyn dástúrli túrde ótkizilip turatynyn jetkizdi.
«Álemdi sharpyǵan pandemııa bıylǵy jyly birqatar sporttyq sharalardy uıymdastyrýǵa keri ásirin tıgizdi. Sonyń saldarynan memlekettik qyzmetkerler arasynda buqaralyq sport túrlerinen ótkiziletin jarystar keıinge shegirilip kelgenin jaqsy bilesizder. Mine, búgin oblysymyzdyń bas sanıtarynyń qaýlysyna sáıkes, sporttyq sharalardy ótkizýge ruqsat etilip otyr. Memlekettik qyzmetkerlerdiń densaýlyǵyn jaqsartý, salaýatty ómir saltyn qalyptastyrý maqsatynda mundaı sporttyq saıystar aldaǵy aptalarda da óz jalǵasyn tabatyn bolady. Naqtyraq aıtsaq, aldaǵy aptada memlekettik qyzmetkerlerdiń qyzdar komandalary arasynda voleıboldan oblys birinshiligin ótkizýdi josparlap otyrmyz», - dedi Sáken Qalqamanov.
Jarys jeńimpazdary men júldegerlerin Túrkistan oblysynyń Adamı əleýetti damytý basqarmasy basshysy Rahymbek Jolaev pen oblystyq Dene shynyqtyrý jəne sport basqarmasynyń basshysy Qanat Joldyqaraev marapattap, qyzmetterine səttilik tiledi.
Sonymen qatar, jarystyń «Úzdik qaqpashysy» Damır Tileýlıev atansa, «Úzdik qorǵaýshy» nomınatsııasyn Aral Qaırat jeńip aldy. Al, qatysýshylar arasynda top jarǵan Qaırat Oralbaev «Úzdik shabýylshy» ıegeri boldy. Sondaı-aq, jankúıerlerdiń ystyq yqylasyna bólengen Aıtýǵan Ersultan saıystyń «Úzdik oıynshysy» atanyp, Qudaıbergen Nurjaý «Úzdik jartylaı qorǵaýshy» atalymynda úzdik boldy.
