Túrkistan oblysynyń Maqtaaral aýdanynda 7 mektep salynyp jatyr
TÚRKІSTAN. QazAqparat - Túrkistan oblysyndaǵy Maqtaaral aýdanynyń ortalyǵy Myrzakent kentinde abattandyrý, jaryqtandyrý jumystary men jol, aıaqjol qurylystary júrgiziletin bolady, dep habarlaıdy QazAqparat oblys ákiminiń baspasóz qyzmetine silteme jasap.
Maqtaaral aýdanynda respýblıkalyq bıýdjet esebinen 2 mektep jáne oblystyq bıýdjet esebinen 5 mekteptiń qurylys jumystary júrgizilýde.
Sonymen qatar, qazirgi tańda 39 eldi mekenniń bas jospary jasalýda. Sonymen qatar, mektepter, mádenıet úıleri, ákimshilik ǵımarattary, kópqabatty turǵyn úıler boı kóteretin bolady.
Myrzakentti ulǵaıtýǵa arnalǵan 160 gektar jer telimine kópqabatty turǵyn úıler salý úshin bıyl egjeı-tegjeıli josparlaý jobasy ázirlenýde. Joba ázirlengennen soń atalǵan jer telimi ınfraqurylymmen qamtamasyz etilip, kópqabatty turǵyn úılerdiń qurylysa bastalady. Osylaısha birneshe jyldan soń 7-20-25 baǵdarlamasy aıasynda maqtaaraldyqtar baspanaǵa ıe bola alady.
Jańadan qurylǵan Maqtaaral aýdanynyń derbes bólimderin zamanaýı ǵımaratpen qamtamasyz etý maqsatynda Myrzakent kentinen ákimshilik ǵımaratynyń qurylysyn bastaý úshin smetalyq joba ázirlendi. Sondaı-aq, Eńbekshi jáne Jambyl aýyldyq okrýgteriniń ortalyqtarynan mádenıet oshaqtaryn damytý maqsatynda 2 mádenıet úıi jáne kitaphana qurylysyna bıyl jobalyq smetalyq qujattama ázirleý josparlanyp otyr.
Birlik aýyldyq okrýgi, Pernebaev eldi mekenin keńeıtýge bólingen 5 gektar jer telimine aýyzsý jáne elektr jaryǵyn alyp barý úshin jobalyq smetalyq qujattama daıyndalý ústinde. Al Jańa jol jáne Birlik aýyldyq okrýgterinde mal ólekselerin tastaıtyn shuńqyr qurylystaryna jobalyq smetalyq qujattama daıyndaý úshin memlekettik satyp alý rásimderi ótkizildi.
