Túrkistan oblysynyń mádenıet qyzmetkerleri onlaın kontsertter ótkizip jatyr
TÚRKІSTAN. QazAqparat – Elimizde jarııalanǵan tótenshe jaǵdaıǵa baılanysty Túrkistan oblysynyń turǵyndary da saqtyq sharalaryn ustanyp, úılerinde otyr. Osy jaıtty eskergen óńirdegi mádenıet salasynyń qyzmetkerleri onlaın kontsertter uıymdastyrýda, dep habarlaıdy QazAqparat tilshisi.
Aktsııa aıasynda teatrlar jáne mádenıet úıleriniń, shyǵarmashylyq ortalyqtardyń qyzmetkerleri «Karantın kezindegi mádenıet qyzmetkeri» atty onlaın-semınarlar ótkizdi. Sondaı-aq, barsha aýdan-qalalardaǵy mádenıet oshaqtary «Atameken» ánin oryndap, estafeta retinde jalǵastyrdy. Abaı Qunanbaıulynyń 175 jyldyǵyna oraı shyǵarmashylyǵy keńinen nasıhattaldy. Budan bólek, mádenıet salasynyń ókilderi elimizdegi tótenshe jaǵdaı jarııalanǵannan beri 3 myńǵa jýyq betperde tigip, turǵyndarǵa tegin taratyp berdi.
