Túrkistan oblysynyń kitaphanalary 361 myńnan asa kitappen tolyqty
Jıyndaaımaq basshysy Ómirzaq Shókeev óńir úshin mádenıettiń orny erekshe ekenine toqtalyp, osy saladaǵy bastamalardy saralady. Oblystyq mádenıet basqarmasynyń basshysy Ázimhan Qoılybaevtyń aıtýynsha, óńirde Táýelsizdiktiń 30 jyldyq merekesine oraı rýhanı jáne mádenı is-sharalar júıeli túrde ótip keledi. Bul rette bıyl Túrkistan qalasynda paıdalanýǵa berilgen «Uly Dala Eli» ortalyǵy, Túrkistan mýzykalyq drama teatry jáne «Farab» kitaphanasy óńir rýhanııaty úshin tyń serpin bergenin aıta ketken jón.
Túrkistan qalasynda «Túrlengen, gúldengen – Túrkistan» respýblıkalyq aqyndar aıtysy, djaz mýzykasynyń tanymal oryndaýshylary qatysqan «Turkistan Jazz Party I» festıvali, «Taıqazan» ulttyq kıim dızaınerlerdiń respýblıkalyq baıqaýy, «Túrkistan daýysy» respýblıkalyq án baıqaýy uıymdastyrylǵan. Aýyl jastarynyń shyǵarmashylyǵyn nasıhattaý maqsatynda arnaıy jospar túzilip, ár aýdan, qalalarda oblystyq baıqaýlar men festıvalder ótkizilgen. «Túrkistanym – Turanym» halyqaralyq túrki sýretshileriniń sımpozıýmy da sýretshilerge shabyt syılady. Búgingi kúnge deıin oblystyq kásibı 3 teatrda 6 jańa qoıylym sahnalanǵan.
«Jyl basynan beri oblystaǵy 24 mýzeıde 6020 ekskýrsııa, 520 kórme, 528 kópshilik is-shara uıymdastyryldy. Búginde 5 myńdaı jańa eksponat jınaqtalyp, jalpy qor 178927 danaǵa jetti. Oblystaǵy 395 kitaphana 361354 dana jańa kitappen tolyqtyryldy» dedi Á.Qoılybaev.
Oblys ákimi Túrkistan óńirinde, onyń ishinde Túrkistan qalasynda ótetin mádenı is-sharalardyń sapasy men mazmunyn arttyryp, deńgeıin halyqaralyq talapqa saı kóterý jóninde tapsyrma berdi. Jańa ıdeıalar, sapaly jobalar qajet ekendigin eskertti. Mádenıet pen týrız salalaryna jaýapty basqarmalar Túrkistannyń týrıstik áleýetin kóterý úshin jurtshylyqtyń, ásirese, jastardyń qyzyǵýshylyǵyn oıatatyn dúnıelerdi josparlap, uımydastyrýlary tıis ekendigin naqtylady. Sondaı-aq, osy baǵyttaǵy jumysty jandandyrýdy tapsyrdy.