Túrkistan oblysynyń Keles aýdanynda zamanǵa saı Insýlt ortalyǵy jumys isteıdi
ASTANA. QazAqparat - Túrkistan oblysynyń Keles aýdanynda zamanǵa saı Insýlt ortalyǵy jumys isteıdi. Sonyń arqasynda bas mıynyń qan aınalymy buzylǵan, patsıentterdi birneshe km qashyqtyqtaǵy Shymkentke tasymaldaýdyń qajeti joq, dep habarlaıdy QazAqparat Otyrar.kz. saıtyna silteme jasap.
Ortalyq 30 tósek ornyna laıyqtalǵan, neıroreanımatsııa da osy jerde ornalasqan. Aýdandyq aýrýhanada kompıýterlik tomografııa apparaty ornalastyrylǵan. Atalǵan apparatta júrgizilgen zertteý naýqastyń dıagnozyn dál qoıýǵa múmkindik beredi. Óz kezeginde ol naýqastyń durys em alýyna járdemin tıgizedi.
«Ortalyq ashylǵaly beri bizdiń aýdanda adam ólimi azaıdy. Naýqastardyń ınsýlttan keıin densaýlyǵynyń nasharlaý jaǵdaılary da tómendedi. Bólimshede mıǵa mıkrooperatsııa da jasalady, biz osy ýaqyt aralyǵynda 40 adamǵa operatsııa jasadyq. Bizdiń ortalyqta bilikti mamandar jumys isteıdi jáne olar biliktilikterin ylǵı da jetildirip otyrady»,-deıdi Keles aýdandyq ortalyq aýrýhanasynyń bólim meńgerýshisi Nurdáýlet Eshtaev.
