Túrkistan oblysynyń Keles aýdanynda kásipkerlerge qyzmet kórsetý ortalyǵy ashyldy
KELES. QazAqparat - Túrkistan oblysynyń Keles aýdanyndaǵy Abaı aýylynda Kásipkerlerge qyzmet kórsetý ortalyǵy ashyldy, dep habarlaıdy QazAqparat oblys ákiminiń baspasóz qyzmetine silteme jasap.
Ortalyqta aýdandyq kásipkerlik jáne aýyl sharýashylyǵy bólimi, ulttyq kásipkerlik palatasynyń aýdandyq fılıaly jáne Túrkistan kásipkerlerge qyzmet kórsetý fılıalynyń aýdandyq bólimi ornalasqan. Sondaı-aq, aýyl sharýashylyǵyn qoldaý qory men shaǵyn qarjylyq uıymdar men «Yrys» MKU» JShS-nyń mamandary qyzmet kórsetedi.
Sonymen qatar, ortalyqta qarjylandyrýshy kompanııalardyń ókilderi men ekinshi deńgeıli bank jáne ulttyq damytý ınstıtýttary jaıǵasqan. ıAǵnı, osynda kelgen kásipker «bir tereze» qaǵıdasy boıynsha kókeıin mazalaǵan suraqtarynyń barlyǵyna jaýap ala alady.
Kásipkerlerge qyzmet kórsetý ortalyǵy bul shaǵyn jáne orta bıznesti damytýǵa baǵyttalǵan biregeı ınstıtýt. Ortalyq «bir tereze» qaǵıdasy boıynsha halyqqa qyzmet kórsetedi.
Aıta keteıik, onda kásibin endi ǵana bastaǵan kásipker arnaıy oqýdan ótip, bıznes-jospar jazyp, yńǵaıly qarjylandyrýshy kózdi anyqtaıdy.
